معرض لمسات Lamasat Sketchs الفنانه جولي نيكسون عزت

جولي نيكسون عزت
16 سنه
طالبه في مدرسة القديس يوسف للغات بالزمالك
أنا بحب الرسم من و أنا صغيره ، بدأت أرسم و أنا عندي 5 سنوات ، بدأت برسم الشخصيات الكرتونيه إللي كنت بشوفها في أفلام الكرتون زي ميكي ماوس و بطوط و فتيات القوه …..
بعدها بدأت اتعلم رسم بورتريهات و مناظر طبيعيه من علي اليوتيوب
و في سن 13 سنه تدربت في معهد قيثارة حوالي 3 شهور، و بدأت اتعلم من علي اليوتيوب و أطور من نفسي أكتر و أنزل صور من برنامج pinterest و أرسم زيها ….
و حاليا احاول اتدرب على رسم شخصيات علي الطبيعه
و في المدرسه سيستر سميحه راغب مديرة المدرسه و مدرسة التربيه الفنيه الأستاذه / نانسي فرانسيس لاحظوا موهبتي و بيشجعوني دايما علي المشاركه في المسابقات ….
و أخدت شهادة تقدير لإشتراكي في مسابقة ” إرسم سلامك بإيدك “
و من فتره صغيره عملت صفحة رسم لعرض أعمالي علي الinstagram و حصلت علي تشجيع و دعم من فنانين عرب و أجانب كتير …
في النهايه احب أشكر الأستاذه / سوسن رضوان مدير مركز رعاية الموهوبين بإدارة غرب القاهرة لإنها شجعتني علي المشاركه في معرض ” لمسات ” و المشاركه في مسابقات للرسم ….
و احب ايضت أشكر الدكتوره / نرمين شمس المسئول عن معرض لمسات علي منحها الفرصه لي للمشاركه بأعمالي الفنيه البسيطه مع فنانين كبار