معرض لمسات تكسير الفنانه رانيا محسن

رانيا محسن مدرسه بحب شغلي ومتفوقه فيه الحمد لله من هواياتي الكروشيه والتطريز والايتامين بس مكنش عندي هدف لمشروع معين ولا فكرت فيه
ولقيت ان الحياه ودتني في سكه تانيه مش انا الي رسماها وجايز كانت الدافع اني الاقي نفسي من جديد فاشتغلت كروشيه وكان ظهر القنوات على اليوتيوب استفدت منها كتير وبدات اعمل شغل لبنتي وعجب ناس كتير والي يعجبه حاجة كنت بعملها في نطاق الاهل والاصحاب
وبعدين سمعت عن مبادرة الست المصرية لتعليم شغل شنط هاند ميد بالجلد الطبيعي وانا من زمان بحب الجلد الطبيعي وبدور عليه فأخدت الكورس واتعلمت اساسياته بس الي بيشتغلو بالجلود بيطلعوا تحف فنيه الصراحة ففكرت اكون مميزة في وسطهم ازاي وجاتلي فكرة تداخل الجلد والكروشيه وبدات والحمد لله
اتفرجت كتير ولانه مش متاح قوي كصور وفيديوهات بدات اصمم الموديل واختار طريقة شغل الكروشيه ونوع الخيط المناسب وابدا انفذ والحمد لله لسه في البدايات بس شغلي نال اعجاب ناس كتير واتمنى ان يكون ليه البراند الخاص بيه وكل الناس تعرفني