الأحد. مايو 22nd, 2022

أنا التائه في فلك الكون وف الملكوت
أنا ساكن في بحر العشق لحروفك و حرفي سكوت
أنا الراوي ف غزلك قصائد شعر من غير صوت

أنا الكاتب بدون قصة و أنا العاشق بلا فرصة
و أنا اللي كل ما أفتكرك أقول مكتوب
‏تكوني لغيرى مش ليا فأمتى أتوب
‏أنا عاشق و أنا عارف عشقي ذنوب

و مين قال الحب بالنظرة
أنا عاشق جمال روحك
و علي الفطرة
أنا عاشق أصوغ حرفك بالأدب قصة
و مين عارف يكون اللقاء في زمن سابق
و لا في مستقبل بعيد لسه

ساعات دمعتي تخون ي
تقول عاشق بلا فرصة

و أسمع شعر من نايك
تقولي ضحكت أقول لسه

لا أنا عارف و لا فاهم
تكوني شغفي و الغصة

و مين قال الحب من نظرة
ده أنا حبي حروفه محفورة
رسمتك حلم ف خيالي
لقيتك طبق للصورة

لا أنا عارف أنا شبهك
شبهي كتير قوي حرفك
و فيكي كتير من شغفي
حروف كلماتي من شغفك

ففي حاجه و موجودة
أخاف تبقي في حالي حدوته

و أتعود جسور الوصل ممدودة

برغم بلاد كتير مسافات بينا موجودة

أكيد خائف أعيش حلمك تكوني الموت في حدوته

نهله البدري

اترك تعليقاً

لن يتم نشر عنوان بريدك الإلكتروني.