معرض جاليري لمسات لا للتحرش الفنانه دنيا امل توفيق

دنيا أمل توفيق..
درست طب الفم والأسنان…ولكن كنت أتمني إني أدرس في كلية الفنون الجميلة…من طفولتي وأنا بحب الرسم لكن كنت دائما برسم رسومات مختلفة عن التقليدي ..و كان مدرس الرسم يقولي لأ ارسميها عادي زي زمايلك…
لما كبرت حسيت بإنجذابي للوحات القديمة والأعمال النحتية الكلاسيكية اللي بحس فيها بالأصالة…
بعد التخرج و بعد محاولات كتير إني أشتغل دكتورة أسنان .. أكتشفت إن حبي للرسم أكبر من أنه يكون مجرد هواية و بدأت أرسم و أركز علي نوع الرسم اللي يناسبني… أخدت كورسات كتير وقرأت عن أنواع الرسم لكن في الآخر اكتشفت إني بحب الرسم التعبيري و التعبيري التجريدي..
بشوف إن الفن التشكيلي بيعكس المشاعر اللي بتدور جوانا و حوالينا و يجسدها في صورة أعمال فنية توصل بشكل مرئي للناس…و إن التجريد يضيف عمق للعمل الفني…
الفن له قيمة كبيرة في حياة الإنسان والإنسانية..
مشاركتي في جاليري لمسات هي أول مشاركة حقيقية بالنسبالي وأنا سعيدة إني اتعاملت مع جاليري و فنانين عايزين ينشروا الفن التشكيلي و قيمتة بين الناس…و يفتحوا الفرص قدام كل الفنانين…
أحب أشكر أسرتي و عائلتي و كل من يدعمني.. شكراً